Stadiumi ku Serbia sfidon Shqipërinë kushtoi 75 milionë, por kurrë s’do të thoje se aty luhet futboll

Mediat serbe kanë zbarkuar në Tiranë, në kuadrin e ndeshjes kualifikuese të grupit K, që kombëtarja e tyre do ta luajë në “Arena Kombëtare”. Gazetari i “kurir.rs” i ka kushtuar një shkrim stadiumit tonë kuqezi, si më poshtë: “Serbia do ta nisë kualifikimin për Kupën e Botës 2026 në një stadium modern, por shumë të çuditshëm në Tiranë. Stadiumi ‘Air Albania’ është padyshim më moderni i futbollit në Shqipëri dhe një nga objektet më të avancuara sportive në Ballkan. Ndodhet në qendër të Tiranës. Ndërtimi i tij nisi në shtator të vitit 2016 dhe u hap zyrtarisht më 17 nëntor...