“Fundi i një epoke”/ Në Angli janë të bindur, Pep Guardiola largohet nga Manchester City në fund të sezonit. Ja kush do e zëvendësojë

Pep Guardiola duket shumë pranë largimit nga Manchester City. Sipas gazetarit të njohur të “Tier 1”, Jack Gaughan, brenda qendrës stërvitore të Manchester City besohet se Pep Guardiola do të largohet nga klubi. Raporti i publikuar nga Daily Mail tregon se Guardiola e ka marrë këtë vendim prej disa javësh, ndërsa zërat e fundit se ai mund të ndryshojë mendje nuk janë dëgjuar fare brenda klubit. Sipas raportimeve, një njoftim zyrtar mund të vijë brenda ditëve në vijim — një ndryshim historik për Cityn, pas 10 viteve të suksesshme nën drejtimin e Guardiolës. Ndërkohë, eksperti i merkatos, Fabrizio Romano, prej kohësh ka bërë me dije se zëvendësuesi i Guardiolës te “Qytetarët” do të jetë Enzo Maresca. Top Channel