“Final 4” drejt mbrëmjes vendimtare, të dielën përcaktohet skuadra kampione e sezonit 2025/26

Të dielën në mbrëmje, futbolli shqiptar do të përjetojë aktin final të sezonit 2025/26, aty ku do të vendoset edhe skuadra kampione e “Final 4”. Egnatia, AF Elbasani dhe Vllaznia mbeten në garë për titullin, ndërsa dy sfidat e fundit premtojnë spektakël, rivalitet dhe emocione deri në sekondat e fundit. Në ora 19:00 do të luhen njëkohësisht dy ndeshjet vendimtare të javës finale. Në stadiumin “Air Albania”, Vllaznia do të përballet me AF Elbasanin në një duel direkt mes dy skuadrave pretendente për trofeun, ndërsa në “Elbasan Arena”, Egnatia do të sfidojë Dinamo City-n, me rrogozhinasit që mbajnë fatin në duart e tyre. Egnatia kryeson garën dhe kërkon të mbyllë sezonin me një tjetër sukses historik, por AF Elbasani dhe Vllaznia vijojnë të besojnë deri...