Bayern Munich interesohet për Bisseck? Të vërtetën e zbulon agjenti i mbrojtësit gjerman

5 Qershor 2026 7:19 Alfred Lleshi Prej disa ditësh qarkullojnë zëra rreth interesimit të mundshëm të Bayern Munich për mbrojtësin e Interit, Yann Bisseck. Për të sqaruar situatën ka folur agjenti i lojtarit, Giovanni Branchini: “Po lexoj për këtë interesim, por nuk është i vërtetë. Nuk ka asgjë konkrete në zhvillim, ai është i lumtur në Milano. Natyrisht, në të ardhmen mund të mbërrijnë oferta, por deri më sot nuk ka asnjë negociatë në vazhdim”. Me këto fjalë, Branchini mohoi zërat që e lidhnin Bisseck me një transferim te Bayern Munich, duke theksuar se mbrojtësi gjerman mbetet i përqendruar tek Interi dhe se aktualisht nuk ekziston asnjë bisedim mes palëve.