Sot seancë plenare dhe protesta masive nga studentët! Çfarë pritet të ndodhë para parlamentit

Kuvendi do të zhvillojë sot në orën 10:00 seancën plenare publike, ku në rendin e ditës janë parashikuar tri interpelanca me ministra, shqyrtimi i disa projektligjeve dhe ngritja e Komisionit të Posaçëm Parlamentar për fazën e dytë të Reformës Administrativo-Territoriale. Ndërkohë pritet që jashtë Kuvendit të mblidhen studentë dhe qytetarë që do të vijojnë protestat që kanë pushtuar prej dy ditësh Tiranën, protestë që vijon në vazhdën e Revolucionit Flamingo që u mbajt prej mbi 130 ditë në kryeqytet. Interpelanca e parë e seancës së sotme është interpelanca urgjente me ministrin e Punëve të Brendshme, Ervin Demo, të kërkuar nga një grup deputetësh të Partisë Demokratike. Në vijim, janë parashikuar dy interpelanca me ministrin e Infrastrukturës dhe Energjisë, Enea Karakaçi, të kërkuara nga deputetët Ermal...