Shkelje në të paktën 20 raste, nën hetim dy zyrtarë të bashkisë Korçë

Prokuroria pranë Gjykatës së Shkallës së Parë të Juridiksionit të Përgjithshëm në Korçë ka përfunduar hetimet dhe ka çuar për gjykim dy zyrtarë të Bashkisë Korçë, Zh.B. dhe E.Gj., të akuzuar për veprën penale “Shpërdorim detyre”. Hetimet, të cilat nisën në vitin 2022, zbuluan se dy zyrtarët, përkatësisht Drejtoreshë e Drejtorisë së Urbanistikës dhe Përgjegjës i Sektorit të Kontrollit dhe Zhvillimit të Territorit, kanë kryer shkelje të rënda në zbatimin e taksës për ndikimin në infrastrukturë për ndërtimet e reja. Në të paktën 20 raste, këta zyrtarë kanë aplikuar taksë më të ulët se ajo e përcaktuar me ligj, duke...