Sezoni veror, Rrugorja e Lezhës: Gjatë 24 orëve qarkullojnë mbi 100 mijë mjete, në fundjavë fluksi është më i madh

Në pikun e sezonit turistik, rrugët e Lezhës përballen çdo ditë me një fluks të jashtëzakonshëm automjetesh. Mbi 100 mijë mjete kalojnë brenda 24 orëve, ndërsa gjatë fundjavave numri shtohet edhe më shumë për shkak të lëvizjeve drejt zonave bregdetare. Përballë këtij volumi në rritje, Policia Rrugore ka shtuar ndjeshëm prezencën në terren. Patrullat janë të shpërndara në pikat më të ngarkuara, nga akset kombëtare deri tek degëzimet dytësore, duke koordinuar trafikun dhe ndihmuar drejtuesit e automjeteve. Sipas të dhënave të Policisë, kulmi i trafikut regjistrohet pasditave të së dielës, kur rreth 60 mijë automjete nisen për të dalë nga...