Rusia qëndron pas protestave të dhunshme në Evropë? Përgjigjet Vladimir Putin

Presidenti rus Vladimir Putin ka hedhur poshtë pretendimet se Moska po nxit protestat masive në qytetet e mëdha evropiane, duke i cilësuar ato si një “ekzagjerim të qartë”. Në një intervistë për transmetuesin rus VGTRK, të publikuar të dielën, Putin tha se ishte befasuar nga fakti që reagimet e para të disa qarqeve evropiane për protestat nuk u drejtuan kundër Rusisë, por kundër Shteteve të Bashkuara të Amerikës. Sipas tij, fillimisht u ngritën pretendime se zhvillimet në Evropë lidhen me politikat e administratës aktuale amerikane dhe mbështetjen që ajo u jep partive dhe lëvizjeve të djathta. Kreu i Kremlinit e cilësoi këtë reagim si të papritur, duke theksuar se nuk kishte pritur që udhëheqësit evropianë të kritikonin SHBA-të, të cilën e përshkroi si aleatin dhe...