‘Rezultati në Elbasan nuk varet nga drejtuesit’, Boçi: Procesi u ndikua nga faktorë kriminalë

Nënkryetari i Partisë Demokratike, Luçiano Boçi, në një intervistë televizive, foli për rezultatin e zgjedhjeve të 11 majit, duke u ndalur veçanërisht te qarku i Elbasanit, ku më parë kishte drejtuar fushatat e PD-së. I pyetur nëse rezultati në Elbasan do të kishte qenë më i mirë nëse ai do të kishte vijuar punën në këtë qark, Boçi tha se nuk pretendon një gjë të tillë. Ai vlerësoi punën e drejtuesit aktual, Tomor Alizoti, duke theksuar: “Jam i bindur që zoti Alizoti ka bërë një punë të lavdërueshme, në maksimumin e potencialit të tij politik. Elbasani ka specifikën e vet...