Pse koha duket sikur kalon më shpejt me kalimin e moshës? Shkenca ofron disa shpjegime

“Koha fluturon” është një shprehje që e përdorim shpesh kur javët, muajt dhe vitet duket se kalojnë gjithnjë e më shpejt. Por pse kemi përshtypjen se koha përshpejtohet ndërsa plakemi? Studiuesit kanë shqyrtuar prej vitesh mënyrën se si truri i njeriut e percepton kohën dhe kanë dalluar një mospërputhje mes kohës së matur nga ora dhe kohës së përjetuar nga mendja. Një studim i publikuar në vitin 2019 nga Cambridge University Press e përshkruan këtë si një “mospërputhje mes kohës së imazheve mendore dhe kohës së orës”. Koha e orës është ajo që matet objektivisht, ndërsa “koha e mendjes” ndikohet nga përvojat dhe kujtimet që grumbullojmë gjatë jetës. Sipas shpjegimeve të ndryshme, pikërisht mënyra se si truri regjistron përvojat mund të ndikojë në ndjesinë se...