Po tenton të kontrollojë Drejtësinë? Trump kërkon t’i heqë më shumë pushtet gjyqësorit, konflikti thellohet deri në Gjykatën e Lartë!

Presidenti amerikan Donald Trump ka ndërmarrë një tjetër nismë për të kufizuar fuqinë e gjyqësorit, duke kërkuar nga Gjykata e Lartë e SHBA-së të kufizojë kompetencat e gjyqtarëve për të bllokuar vendimet dhe rregulloret e administratës federale në nivel kombëtar. Departamenti i Drejtësisë ka paraqitur një apel në Gjykatën e Lartë, ku kërkon që gjykatat të mos kenë më të drejtën të shfuqizojnë në tërësi rregulloret e agjencive federale, edhe kur ato konsiderohen të paligjshme. Sipas administratës Trump, vendimet gjyqësore duhet të zbatohen vetëm për palët që kanë ngritur padinë dhe jo për të gjithë qytetarët apo subjektet e tjera. Kjo përpjekje vjen pasi administrata Trump është përballur me qindra padi që nga rikthimi i tij në Shtëpinë e Bardhë, në janar 2025.  Kundërshtimet ligjore...