Pjesë e një grupi serbësh që vranë 106 civilë shqiptarë, Kosova lëshon udhërarresti ndaj Millan Radoiçiçit

Gjykata Themelore e Prishtinës ka lëshuar fletarrestim ndaj Millan Radoiçiçit dhe 19 serbëve të tjerë, të dyshuar për veprën penale “krime lufte kundër popullatës civile”. Sipas dokumentit që mban datën e 15 prillit, të publikuar nga Reporteri.net, Radoiçiç – ish-nënkryetar i partisë të serbëve në Kosovë, Lista Serbe – akuzohet se ishte pjesë e një grupi serbësh që vranë 106 civilë shqiptarë, trupat e të cilëve më pas u gjetën në një varrezë masive në Serbi. Autenticiteti i këtij dokumenti është konfirmuar për Radion Evropa e Lirë nga zyrtarë brenda Prokurorisë Speciale të Kosovës. “Prokuroria Speciale e Republikës së Kosovës...