Zjarri në një makinë përhapet edhe në fasadën e një magazine në Lushnjë, shërbimet zjarrfikëse vënë në kontroll flakët

 
Një defekt teknik në një mjet të parkuar pas magazinave në afërsi të stacionit të trenit në Lushnje ka shkaktuar zjarr.

Si pasojë e djegies së automjetit zjarri u përhap në fasadën e një magazine me materiale ndërtimi. Ka qenë ndërhyrja e shpejtë e repartit zjarrfikës të bashkisë Lushnje që e ka vënë nën kontroll zjarrin dhe nuk e ka lejuar të precipitojë.
Bashkë me zjarrfikësit kanë mbërritur dhe uniformat blu të komisariatit të Lushnjës që po dokumentojnë ngjarjen. Sipas të dhënave nga drejtuesit e repartit të zjarrfikësve, defekti teknik në mjet ka shkaktuar zjarr, i cili nëse nuk do të ishte vënë nën kontroll mund të shkaktonte tragjedi pasi ndodhet në zonë industriale dhe ka shumë magazina si të materialeve të ndërtimit ashtu edhe mobilieri e të tjera.

NDIQE LIVE “PANORAMA TV”

© Panorama.al
Burimi