Ndarja nga jeta e Papa Franceskut/ Qeveria shqiptare shpall 26 prillin ditë zie kombëtare

Këshilli i Ministrave, ka shpallur të shtunën, datë 26 prill 2025, si ditë zie kombëtare, në nderim dhe mirënjohje për Atin e Shenjtë, Papa Françesku, i cili ndërroi jetë tre ditë më parë. Vendimi u mor në mbështetje të Kushtetutës së Republikës së Shqipërisë dhe legjislacionit në fuqi, me propozim të Kryeministrit. Gjatë kësaj dite zie, flamuri kombëtar do të ulet në gjysmështizë në të gjitha institucionet shtetërore dhe publike. SHPALLJE DITË ZIE KOMBËTARE Në mbështetje të nenit 100 të Kushtetutës dhe të pikës 4, të nenit 4, të ligjit nr.8926, datë 22.7.2002, “Për formën dhe përmasat e flamurit kombëtar,...