Tuneli i luftës së ftohtë/ Rritet numri i turistëve në Gjirokastër, veprën e disa dekadave më parë e kanë vizituar 4200 qytetarë

Tuneli i Luftës së Ftohtë në Gjirokastër vijon të tërheqë interesin e turistëve vendas dhe të huaj. Nga janari deri më sot, tunelin e kanë vizituar rreth 4200 turistë, një numër më i lartë krahasuar me të njëjtën periudhë të vitit të kaluar, shprehet Albana Ismaili, përgjegjëse e objektit. Një turist i huaj u shpreh: “Ishte një eksperiencë e veçantë dhe, në fakt, shumë e trishtë. Për fat të mirë nuk është përdorur për qëllimin për të cilin u ndërtua, pasi motivi ishte i keq. Megjithatë, për ne ishte një eksperiencë interesante dhe mendoj se është shumë e dobishme që vizitorët të njihen me vende të tilla.” Një tjetër turist tha: “Personalisht jam shumë i interesuar të mësoj dhe të njoh gjithçka nga Shqipëria. Edhe...