Sonte në Pejë koncerti “Northern Echoes”, bashkohen në skenë Defrost Youth Choir dhe Kori Siparantum

Kisha Katolike “Shën Katerina” në Pejë do të mirëpresë sonte, duke filluar nga ora 20:30, koncertin “Northern Echoes”, një mbrëmje e veçantë muzikore që bashkon në skenë Defrost Youth Choir nga Norvegjia dhe Korin Siparantum nga Kosova. Nën dirigjimin e Thomas Caplin dhe Memli Kelmendit, dy ansamblet korale do të interpretojnë një program të pasur me vepra të autorëve nordikë, evropianë dhe bashkëkohorë, përcjell KultPlus. Defrost Youth Choir, i konsideruar një nga koret rinore më të vlerësuara të Norvegjisë, do të prezantojë repertorin e tij karakteristik, të formësuar nga vizioni artistik i dirigjentit Thomas Caplin, një prej emrave më të njohur të dirigjimit koral në botë. Ndërkaq, Kori Siparantum, i njohur për sukseset e tij në skenën ndërkombëtare, do të sjellë një përzgjedhje veprash që...