Muzetë e Artit të Harvardit testojnë inteligjencën artificiale për t’i afruar vizitorët me artin

Muzetë e Artit të Harvardit në Kembrixh të Massachusetts kanë testuar një fushatë inovative marketingu që përdor inteligjencën artificiale gjeneruese (AI) për të rritur angazhimin e vizitorëve dhe anëtarësimet, duke i dhënë “zë” një pikture të shekullit XVIII nga koleksioni i tyre. Projekti u zhvillua nga drejtori i marketingut të muzeut, John Connolly, në bashkëpunim me Julian De Freitas, profesor në Harvard Business School, i cili studion mënyrën se si njerëzit ndërveprojnë me sistemet e inteligjencës artificiale. Për eksperimentin, ekipi krijoi një version të animuar të portretit “Jeanne-Antoinette Poisson, Marquise de Pompadour” të piktorit francez François Boucher, i cili “fliste” me vizitorët, si dhe një chatbot që u mundësonte atyre të zhvillonin biseda me personazhin e pikturës. Qëllimi i projektit ishte të shihej nëse inteligjenca...