Meta përballet me një betejë të madhe ligjore, Facebook dhe Instagram mund të ndryshojnë përgjithmonë

Kompania Meta, pronare e Facebook dhe Instagram, po përballet me një prej betejave më të rëndësishme ligjore në historinë e saj, që mund të sjellë ndryshime të mëdha në mënyrën se si funksionojnë platformat. Çështja lidhet me një padi të ngritur në vitin 2023 nga 30 shtete amerikane, të cilat akuzojnë Metën se ka përdorur praktika që, sipas tyre, dëmtojnë të miturit dhe nxisin përdorimin e vazhdueshëm të platformave. Shtetet amerikane kërkojnë rreth 1 miliard dollarë dëmshpërblim, por gjithashtu kërkojnë që Meta të ndryshojë një sërë funksionesh të Facebook dhe Instagram. Ndër masat e kërkuara përfshihen: vendosja e një procesi për verifikimin prindëror për përdoruesit adoleshentë;ndryshimi i algoritmeve të rekomandimit që, sipas paditësve, nxisin përdorimin e vazhdueshëm;kufizimi i disa filtrave të imazheve që ndryshojnë pamjen...