Bekim Fehmiu në Shqipëri në vitin 1972, fotografitë e rralla në arkivin e muzeut “Marubi”

Në vitin 1972, aktori i njohur Bekim Fehmiu – “Uliksi shqiptar” i kinemasë botërore, mbërriti në Shqipëri. Muzeu kombëtar i fotografisë “Marubi” në Shkodër ka ndarë me publikun fotografi të rralla nga arkivi i tij, që dokumentojnë vizitën e aktorit të njohur Bekim Fehmiu në Shqipëri në vitin 1972. Muzeu shprehet se Bekim Fehmiu mbërriti në Shqipëri jo thjesht si aktor në kulmin e famës, por si një njeri në kërkim të rrënjëve të tij. “I lindur në një familje shqiptare dhe i formuar mes Prizrenit e hapësirave të Ballkanit, Fehmiu ishte aktori i parë shqiptar që depërtoi në skenat ndërkombëtare dhe në Hollywood, duke e mbartur gjithmonë me vete identitetin e tij. Në një kohë kur Shqipëria ishte e izoluar nga bota, ai zgjedh...