”Zelensky dikatator”, Boris Johnson kritikon presidentin Trump: Mund të themi dhe që SHBA-ja sulmoi Japoninë

Bota E Mërkurë, 19 Shkurt 2025 20:29
Ish-kryeministri konservator britanik Boris Johnson, është distancuar nga sulmet e fundit të liderit të Shtëpisë së Bardhë ndaj presidentit ukrainas Volodymyr Zelensky.
I pyetur për akuzat ndaj Kievit në lidhje me fillimin e konfliktit me Rusinë, Johnson u përgjigj shkurt: “Sigurisht që Ukraina nuk e filloi luftën, përndryshe mund të themi se Amerika sulmoi Japoninë në Pearl Harbor”.

Ai mbrojti gjithashtu presidentin ukrainas për çështjen e shtyrjes së zgjedhjeve, duke thënë se ato nuk mund të thirren ndërsa përballen me “një pushtim të dhunshëm” dhe duke kujtuar se Britania gjithashtu nuk mbajti zgjedhje të përgjithshme nga 1935 në 1945.
Burimi