Vijon spektakli në Champions/ Juvja sfidon City-in, Dortmundi pret Barcelonën

Sporti E Mërkurë, 11 Dhjetor 2024 11:07
Champions League vijon mbrëmjen e sotme më ndeshje të tjera që pritet të sjellin spektakël dhe emocione. Juventusi do të ketë një duel tepër të vështirë ndaj Manchester City. Edhe pse në emergjencë prej dëmtimeve, anglezët kërkojnë të dalin nga kriza, pasi kanë arritur vetëm një fitore në 9 ndeshjet e fundit.
Triumfi do ti mundësonte të parakalonin Juventusin në renditje dhe për këtë Guardiola do t’i besojë Doku, De Bruyne e Grealish me Haaland në krye të sulmit. Dueli tjetër i madh luhet në Dortmund, aty ku Borussia përballet me Barcelonën.

Katalanasit nuk kanë pësuar humbje në katër përballjet europiane me gjermanët, ku ka fituar në dy raste. Blaugranat kërkojnë fitoren e pestë me radhë në këtë edicion të Champions.
Në duelet e tjera, Milani pret Crvena Zvezdan në San Siro. Kuqezinjtë me një fitore të mundshme do të bëheshin pjesë e 8 ekipeve më të mira në renditje. Sfidë interesante edhe në Londër, ku Arsenali ndeshet me Monaco, me objektivin që të kthehet mes tetë vendeve të para.
Burimi