Videokartolinë e bukur promovimi të mundësive të Shqipërisë: Vendi ku e ardhmja ndërtohet mbi ëndrra dhe aspirata

Kryeministri Edi Rama ka shpërndarë një video të Agjencisë Shqiptare të Investimeve dhe Zhvillimit (AIDA).
“Dhe me këtë videokartolinë të bukur promovimi të mundësive të Shqipërisë nga Agjencia Shqiptare e Investimeve dhe Zhvillimit (AIDA), ju uroj ditë të mbarë”, shkruan Kryeministri Edi Rama në një postim në rrjetet sociale, ku ka ndarë edhe videon.

“Imagjinoni një vend ku mundësitë rriten përkrah traditës, ku çdo lindje dielli mbi Adriatik dhe Jon mbart premtimin e diçkaje të re. Shqipëria është ai vend, një tokë ku e ardhmja ndërtohet jo vetëm mbi numra dhe statistika, por mbi ëndrra dhe aspirata. Një vend që nuk ekziston thjesht në hartë, por që frymëzon me mundësi të pakufizuara”, theksohet në videon e AIDA-s.
Burimi