Starton Big Brother VIP 4! Flet producentja Sara Hoxha

Nga ambientet e jashtme të shtëpisë më të famshme në Shqipëri, aty ku do të futen 16 konkurrentët VIP mbrëmjen e sotme, gazetarja e Top Channel dhe producentja Sara Hoxha në zbuluan detajet e para.
Sara Hoxha u shpreh se në orën 21:15 do të nisë futja e 16 konkurrentëve të parë të cilët do të jenë figura të njohura për publikun, ndërsa ditën e martë do të futen banorët e rinj, të cilët janë personazhe të panjohura më parë.

“Në fakt i gjithë program i Big Brother është një surprizë çdo vit, tejkalon veten dhe pritshëmritë tona edhe për këtë vit janë të larta. Ndodhemi tani në një ambient dytësorë që ne e quajmë ‘pasarela’ e Big Brother ku do futen të gjithë VIP-at tanë sot, ata do jenë 16 konkurrentë, janë të gjithë personazhe të njohur ata që hyjnë sot, dhe të martën hyjnë banorët që ne i quajmë jo VIP-a, njerëz që kanë aplikuar për t’u futur në Big Brother për tu bërë VIP-a. Shtëpia është tërësisht e re, çdo gjë është e re përveç Ledionit dhe Arbër Hajdarit. Kemi punuar realisht me javë dhe orë të tëra, uroj shumë t’i pëlqejë shqiptarëve ky sezon dhe të tejkalojmë veten”, u shpreh ajo.

Ashtu si në 3 sezonet e mëparshme, spektakli do mund të ndiqet live në kanalin e Top Channel, e po ashtu në dy kanalet e dedikuara në DigitAlb, “Big Brother Vip 1” dhe “Big Brother Vip 2”. Gjithashtu, spektakli i sotëm do mund të ndiqet live dhe në kanalin e Top Channel në YouTube, por kujdes! Nga Janari, spektakli nuk do transmetohet më live në YouTube, kështu që nxitoni të përfitoni nga ofertat festive të DigitAlb për të bërë abonimin tuaj.
Mos humbisni spektaklin e garantuar, surprizat dhe emocionet e mëdha, që vetëm “Big Brother Vip” di të transmetojë, siç ka bërë tashme për 3 vite me radhë.
Ka nisur “Big Brother Vip” edicioni i katërt! Nuk ka më pritje, spektakli më i madh dhe fenomenal që ka thyer shikueshmëri, ka hapur siparin.
–Egli Tako është banorja, e cila ka hyrë e para në shtëpinë e Big Brother VIP 4.
Ajo mbeti e surprizuar nga arredimi i shtëpisë, teksa nuk nguroi të zgjedhë sa më shpejt krevatin, përpara hyrjes së banorëve të tjerë.
–G-Bani është banori i dytë i shtëpisë më të famshme në Shqipëri. Ai realizoi performancën me këngën virale me Anxhela Peristerin.
Pas kësaj moderatori Ledion Liço e prezantoi, jo si këngëtar, por banorin më të ri.
–Ols Abazi është banori tjetër që bëhet pjesë e shtëpisë së Big Brother VIP 4. Ai u prit nga Egli Tako teksa qëndronte në oborr. Më pas u prezantua klipi i prezantimit të producentit./TCH/
Burimi