Pësoi aksident me makinë, ndërron jetë themeluesi i kompanisë së njohur të modës

Isak Andic, miliarderi dhe themeluesi i njohur i kompanisë të modës Mango, ka ndërruar jetë në një aksident të shtunën.
Sipas raportimeve nga mediat spanjolle, 71-vjeçari ra në një luginë gjatë një shëtitjeje në një vargmal jashtë Barcelonës. Djali i tij ishte i pranishëm në vendngjarje, sipas gazetës El Pais.

Andic, i lindur në Turqi, themeloi Mango në Barcelonë në vitin 1984. Sot, kompania është një nga zinxhirët më të mëdhenj të modës, duke operuar në 120 vende të botës. Forbes e vlerësoi pasurinë neto të Andic në 4.5 miliardë dollarë.

CEO i Mango, Toni Ruiz, e përshkroi humbjen e Andic si një boshllëk të madh për kompaninë, por shtoi se trashëgimia e tij jeton përmes çdo individi që është pjesë e projektit Mango.
“Largimi i tij lë një boshllëk të madh, por të gjithë ne jemi, në një farë mënyre, trashëgimia e tij dhe dëshmia e arritjeve të tij. Varet nga ne që të vazhdojmë dhe të sigurojmë që Mango të mbetet një projekt që ai e donte dhe për të cilin ai do të ishte krenar,” tha Ruiz.
Burimi