Një statujë 2 000-vjeçare gjendet e braktisur në një qese plehrash në Selanik, policia dyshon për krim

Një 32-vjeçar në Selanik gjeti një statujë mermeri pa kokë brenda një qese të zezë pranë koshave të plehrave dhe e denoncoi menjëherë në polici. Statuja është afërsisht 80 centimetra e gjatë dhe 25 centimetra e gjerë, sipas Le Figaro.
Vlerësimet fillestare nga Autoriteti Grek i Antikiteteve dhe shërbimi arkeologjik sugjerojnë se statuja e mermerit daton në periudhën helenistike, konkretisht midis 323 dhe 31 pes, siç raportohet nga CBS News .

Pasi u ekzaminua nga arkeologët qeveritarë, statuja u sekuestrua nga policia .
Njësia kundër Krimit të Organizuar e policisë greke hapi një hetim paraprak për mënyrën sesi u hodh statuja.
Objektet antike, duke përfshirë gjetjet nga epoka e lashtë greke, zbulohen shpesh në të gjithë Greqinë gjatë punimeve në rrugë ose shesheve të ndërtimit. Këto artefakte janë shpesh në shënjestër të grupeve të organizuara kriminale të përfshira në trafikun e paligjshëm të antikave.
Në prill të vitit 2023, gjashtë persona u arrestuan në ishullin e Kretës gjatë çmontimit të një rrjeti të trafikut të antikave dhe u sekuestruan shumë objekte antike me vlerë 1 milion euro, siç raporton Le Figaro. T
Statujat e lashta janë gjetur në plehra më parë në Evropë. Në vitin 2023, statuja të lashta prej bronzi u gjetën në një deponi plehrash në Toskanë, Itali, sipas CBS News. Për më tepër, një statujë e epokës romake të Venusit u zbulua në një deponi plehrash në Rennes, Francë, në të njëjtin vit. Këto incidente nxjerrin në pah mundësinë e gjetjeve arkeologjike në vende të papritura.
Lajmi ka pushtuar mediat botërore, duke dëshmuar ndjeshmërinë që opinioni ka ndaj objekteve të hershme, të cilat janë në vetvete faqe të historisë antikitetit, jo vetëm në rafshin artistik.
Përgatiti: Albert Vataj / Koha Jonë
Burimi