Fotoja virale e Lelës, Milaim Zeka akuzon produksionin: U bë pa dijeninë time
Showbiz E Premte, 6 Dhjetor 2024 21:31
Sonte në këtë Prime të ”Big Brother Kosova Vip 3”, Milaim Zeka dha një sqarim lidhur me incidentin e postimit të një fotografie të banorës Lela, e cila u bë virale në rrjetet sociale. Fotoja tregonte Lelën me këmbët e hapura teksa bisedonte me një banor tjetër, dhe u shpërnda nga llogaria e Milaimit në InstaStory. Zeka deklaroi se ai vetë nuk kishte qenë përgjegjës për postimin, duke sqaruar se dikush që menaxhon rrjetet e tij sociale kishte bërë “repost”-in pa dijeninë e tij.
Ai shtoi se nuk është i aftë të përdorë mirë platformat sociale, prandaj ka dikë që kujdeset për këtë aspekt. Momenti nuk kaloi pa ironi nga moderatori Alaudin Hamiti, i cili tha: “Vetëm Dua Lipën dhe ty të kam parë që kanë dikë që ua menaxhon rrjetet sociale”.
Milaimi i pranoi me sportivitet komentet, duke përsëritur se ai nuk e përdor rrjetin social në mënyrë të drejtpërdrejtë, dhe se shpesh ndihmohet nga të tjerët për këtë. Ndërkohë, situata vazhdoi të ishte temë diskutimi mes banorëve dhe publikut.
