Erdogan shpreson se rebelët sirianë do të vazhdojnë avancimin, por i druhet diçkaje

Presidenti turk Recep Tayyip Erdogan ka deklaruar se shpreson që rebelët sirianë do të vazhdojnë avancimin e tyre kundër forcave të presidentit Bashar al-Assad në Siri, por shprehu shqetësim për ato që ai iu referua si organizata terroriste.
Erdogan tha se po ndiqte nga afër situatën në kryeqytetin sirian.

Por ai sugjeroi se kishte ndjenja të përziera, duke pasur parasysh disa nga forcat e përfshira.

“Objektivi është Damasku”, tha Erdogan.
“Unë do të thoja se shpresojmë që ky avancim të vazhdojë pa asnjë problem”, shtoi ai, shkruan Reuters.
“Megjithatë, ndërsa kjo rezistencë atje me organizatat terroriste po vazhdon, ne i kishim bërë thirrje Assadit”, vazhdoi presidenti turk duke iu referuar qasjeve të tij ndaj Assadit në fillim të këtij viti për të përmbushur dhe normalizuar lidhjet pas më shumë se një dekade armiqësie.
“Këto përparime problematike që vazhdojnë në tërësi në rajon nuk janë në atë mënyrë që ne dëshirojmë, zemra jonë nuk i do këto. Fatkeqësisht, rajoni është në një bllokim”, tha Erdogan pa dhënë detaje.
Bëhet e ditur se komentet e tij nënvizuan strukturën komplekse të forcave rebele që luftojnë kundër Asadit dhe besnikërinë e përzier midis aktorëve në terren, përfshirë Turqinë.
Ankaraja ka mbështetur për vite me radhë forcat e opozitës siriane që synojnë të rrëzojnë Asadin e mbështetur nga Irani dhe Rusia, por gjithashtu i sheh disa lojtarë rajonalë si terroristë, duke përfshirë Hayat Tahrir al-Sham (HTS), ish degën islamike të Al-Kaedas që është pjesë e forcë rebele.
Ndryshe, Turqia ka thënë se nuk ka pasur asnjë përfshirje në operacion dhe se nuk ka ofruar mbështetje për rebelët.
Ajo ka deklaruar vazhdimisht se Assad duhet të angazhohet në bisedime me popullin sirian për një zgjidhje politike dhe se Ankaraja nuk dëshiron të shohë një valë të re emigrantësh që ikin nga dhuna. /Telegrafi/
Burimi