Kallëzuan kandidaten e PS Zegjine Çaushi për korrupsion zgjedhor, SPAK rrëzon PD: Mungojnë provat

Prokuroria e Posaçme kundër Korrupsionit dhe Krimit të Organizuar (SPAK) ka vendosur mosfillimin e procedimit penal për kallëzimin e depozituar nga deputeti Flamur Noka në emër të Partisë Demokratike, ndaj kandidates së Partisë Socialiste për qarkun e Fierit, Zegjine Çaushi. Në kallëzimin e PD pretendohej se Çaushi ishte përfshirë në veprat penale të korrupsionit zgjedhor, kanosjes së pjesëmarrësve në zgjedhje, shpërdorimit të detyrës dhe përdorimit të funksionit publik. Megjithatë, SPAK nuk ka gjetur prova që mbështesin këto akuza. Vendimi, i firmosur nga kreu i SPAK Altin Dumani dhe marrë nga prokurori i çështjes Sotir Kllapi, thekson se në materialin filmik...