Itali/ Arrestohet 19-vjeçari shqiptar për trafik kokaine, përdorte pajisje antipërgjimi

Autoritetet italiane kanë arrestuar një 19-vjeçar shqiptar në qytetin Fano, pasi u kap duke trafikuar kokainë dhe duke përdorur pajisje antipërgjimi. Sipas policisë, i riu ishte duke lëvizur me një “Ford Fiesta”, kur u sinjalizua si i dyshimtë dhe më pas u ndoq nga karabinierët. Gjatë ndjekjes, ai hodhi nga dritarja dy paketa me rreth 40 gramë kokainë, të fshehura në një kuti cigaresh. Pas ndalimit, në automjet u gjet një pajisje teknologjike për shmangien e përgjimeve, ndërsa shqiptarit iu sekuestruan edhe 400 euro në para të gatshme. Makina që ai përdorte rezultoi në pronësi të një italiani nën arrest...