Granit Xhaka pranon gabimin gjatë pandemisë, në tetor përballet me autoritetet

Granit Xhaka ka pranuar se gjatë pandemisë së COVID-19 kishte siguruar një vërtetim vaksinimi, pa ndjekur procedurën e parashikuar, duke e cilësuar vendimin si një gabim për të cilin shprehet i penduar. Futbollisti shqiptar është nën hetim nga Prokuroria Publike e Lucernës në Zvicër, ndërsa marrja e tij në pyetje pritet të zhvillohet në fillim të tetorit. Çështja u bë publike më 18 shtator, kur u raportua se autoritetet zvicerane kishin hapur procedurë penale ndaj kapitenit të përfaqësueses së Zvicrës dhe një mjekeje nga Lucerna. Hetimi lidhet me dyshimet për marrjen e një certifikate të rreme të vaksinimit kundër COVID-19. Policia kishte kontrolluar ordinancën e mjekes në vitin 2023 dhe kishte sekuestruar materiale që tashmë janë pjesë e hetimit. Në një deklaratë publike, Xhaka tha...