Gjyqi i “Black Eagle”/ Prokuroria belge kërkon 20 vite burg për dy shqiptarët: Dënimi me 9 vite nuk mjafton!

Gjyqi Black Eagle BELGJKË- Prokuroria belge ka kërkuar 20 vite burg për Alfredo Hamzai dhe Indrit Kulaj, dy shqiptarët që dyshohen se janë drejtues të çështjes “Shqiponja e Zezë”. Ata janë ndaluar gjatë një operacioni në lidhje me trafikun e drogës. Për këtë çështje janë dënuar 34 persona, të cilët dyshohet se i përkasin një organizate kriminale të trafikut të kokainës midis Amerikës Latine dhe Evropës gjatë viteve 2018-2022. Prokurori vlerësoi se dënimet me 9 vjet burg të dhënë në shkallë të parë më 27 qershor 2024 janë të pamjaftueshme për të ndëshkuar veprat e kryera nga dy të pandehurit...