Flakët shkrumbojnë shtëpinë në Korçë, shkak dyshohet një defekt në rrjetin elektrik

Një banesë dykatëshe është përfshirë nga flakët në fshatin Vithkuq të Korçës mëngjesin e sotëm. Sipas informacioneve paraprake, dyshohet se zjarri ka rënë si pasojë e një defekti në rrjetin elektrik, çka ka djegur plotësisht objektin. Nga flakët u përfshinë të dyja katet, ku njëri prej tyre shërbente si lokal dhe tjetri për banim. Pavarësisht ndërhyrjes së zjarrfikësve, dëmet ishin të mëdha. Grupi hetimor po punon për zbardhjen e rrethanave të plota.