Euro U-17 / FSHF organizon darkë mikpritjeje, Presidenti Duka: Kemi bërë më të mirën që të ndiheni si në shtëpinë tuaj

Federata e Futbollit organizoi një darkë mikpritjeje në nder të ekipeve pjesëmarrëse në Kampionatin Europian U-17 “Shqipëri 2025”, stafit organizativ të UEFA-s si edhe shumë të ftuarve të tjerë nga bota e futbollit. Gjatë kësaj mbrëmjeje, Presidenti i FSHF-së, Armand Duka, mbajti një fjalë përshëndetëse ku theksoi rëndësinë e këtij eventi për Shqipërinë, duke e cilësuar si një ngjarje të veçantë jo vetëm për futbollin shqiptar, por edhe për të rinjtë që ndjekin dhe luajnë këtë sport. Presidenti Duka nënvizoi gjithashtu se janë bërë të gjitha përpjekjet që organizimi i Kampionatit Europian U-17 të jetë në nivelin më të lartë,...