Do u shiste armë zjarri një grup kriminal, arrestohet 28-vjeçari nga Shkodra

Policia e Tiranës ka arrestuar në Allias një 28-vjeçar banues në Shkodër. Dyshohet se 28-vjeçari do t’ua shiste armët e zjarrit, shtetasve që kryejnë krime kundër jetës dhe pronës. Sipas informacioneve të policisë, ai ka qenë me precedent të mëparshëm si pjesëtar i një grupi kriminal në Shkodër. “Gjatë operacionit u arrestua në flagrancë shtetasi A. M., 28 vjeç, banues në Shkodër, me precedent për prodhim/shitje narkotikësh, në kuadër të grupit të strukturuar kriminal Nga kontrolli në automjetin me të cilin ai lëvizte në Allias, u gjetën 2 armë zjarri pistoleta, të cilat dyshohet se do t’ua shiste shtetasve që kryejnë krime kundër jetës dhe pronës”, njofton policia. Materialet procedurale iu referuan Prokurorisë së Tiranës, për veprime të mëtejshme.