Dështimi i negociatave, Kurti pas takimit me liderët politikë: Ofruam dy zgjidhje, nuk u pranuan nga opozita

Kryeministri i Kosovës, Albin kurti ka folur për mediat pas takimit me përfaqësuesit e partive politike, ku sërish nuk pati asnjë rezultat për arritjen e konstituimit të Kuvendit. Kurti falenderoi përfaqësuesit politikë të cilët ju përgjigjën pozitivisht ftesës së tij për takim, ndërsa theksoi se ndërtimi i institucioneve, përfshirë Kuvendin, është një detyrë që bie mbi të gjitha forcat parlamentare. “Vendimi i Gjykatës Kushtetuese ka bërë të qartë se nuk është ajo që zgjidh përplasjet politike mes grupeve parlamentare. Gjykata ka kërkuar dialog, bashkëpunim dhe marrëveshje në frymë mirëbesimi, dhe ne kemi ndërmarrë hapa konkrete në këtë drejtim,” u shpreh...