Shqiptarët punojnë mesatarisht 41.4 orë në javë, sipas raportit më të fundit të Organizatës Ndërkombëtare të Punës (OIT). Kjo e rendit Shqipërinë ndër vendet me orë të gjata të punës, duke reflektuar një nivel të lartë angazhimi në tregun e punës, por njëkohësisht duke nxjerrë në pah sfida strukturore lidhur me produktivitetin dhe balancën mes jetës personale dhe punës.
Në nivel global, orët e punës variojnë nga 30 deri në 54 orë në javë. Në krye të listës janë Butani me 54.5 orë, Sudani me 50.8 orë dhe Emiratet e Bashkuara Arabe me 48.4 orë. Këto vende, kryesisht ekonomi në zhvillim, karakterizohen nga puna manuale dhe aktivitetet e shërbimeve, ku oraret e gjata dhe kushtet intensive të punës janë të zakonshme.
Ndërkohë, vendet e zhvilluara ekonomike si Gjermania, Franca dhe Britania e Madhe shënojnë mesatarisht 31 orë pune në javë, por me produktivitet shumë më të lartë. Në Ballkan, Mali i Zi mban vendin e parë me 44.2 orë pune në javë, i ndjekur nga Shqipëria me 41.4 orë dhe Bosnja e Hercegovina me 40.8 orë.
Këto vende tregojnë një profil të ngjashëm ekonomik, me punësim të lartë në sektorë si ndërtimi, turizmi dhe tregtia, ku orët e punës zakonisht tejkalojnë mesataren europiane.
Category: Lifestyle
-
Raporti i OIT, sa orë në javë punojnë shqiptarët dhe krahasimi me vendet e tjera
-
“Buxhet i veçantë për rimbursimin e barnave për të sëmurët me tumore”/ Rama: Kanceri është bërë si gripi!
Kryeministri Edi Rama tha sot se do të ketë një fond në buxhet, të veçantë, për rimbursimin e barnave për të sëmurët me kancer.
Teksa shpjegoi masat që po merr ekzekutivi për këtë problematikë që kohët e fundit po përdoret edhe politikisht nga kundërshtarët, ai njoftoi edhe ngritjen e Institutit Kombëtar të Tumoreve, me qëllime kërkimore dhe që t’i vihet në ndihmë pacientëve me kancer.
Rama nënvizoi se problematika shëndetësore me kancerin është kthyer në problem jo vetëm në Shqipëri, por edhe në botë, pasi “kanceri është kthyer si grip”, me numrin e lartë të rasteve.
“Tani dua të them edhe diçka tjetër. Për kancerin. Tani kanceri është bërë si grip jo vetëm në Shqipëri, por kudo, dëgjojmë lajme për rritjen e kësaj sëmundjeje. Ndodh edhe 3 herë në javë që marr mesazhe nga qytetarët se në shtëpitë e tyre u shfaqet kanceri ndonjë prej të afërmve të tyre. Po shfrytëzojnë edhe kancerin për politikë, por ajo që është reale përtej transformimeve që kemi bërë, kemi një problem që është real, jo se e kemi marrë vesh sot, por sot është koha që s’mundemi ta shtyjmë për shkak të problemeve përkatëse. Problemi i barnave, barnat e rimbursueshme të pacientëve që kanë kancer. Pse? Sepse janë barna që kushtojnë”, tha kreu i mazhorancës, teksa mori pjesë në takimin me qytetarët te Njësia nr. 5 në Tiranë, për të shpjeguar buxhetin për Bashkinë.
Por ai shtoi se qeveria do u vijë në ndihmë me grantin e fundit dhe buxhetin për shëndetësinë.
“Por siç ndodh në një familje ku bie kjo sëmundje, dhe di diçka nga kjo edhe në anën personale, që të ndihmojmë njeriun që vuan këtë pasojë, dhe ne kemi 83 mandate ku çdo i sëmurë me kancer në Shqipëri të mbështetet e të ndihmohet si njeriu ynë. Ndaj kemi përacaktuar një buxhet të veçantë për të mbuluar kancerin, barnat, për njerëzit tanë”, tha ai.
Rama njoftoi edhe ngritjen e një institute kërkimor për tumoret, me qëllim ardhjen në ndihmë të pacientëve dhe për të luftuar këtë sëmundje vdekjeprurëse.
-
Profesionet më të rrezikuara për t’u zëvendësuar nga IA
Inteligjenca Artificiale po pushton me shpejtësi gjithnjë e më shumë vende pune dhe, siç tregojnë të dhënat, bashkë me të po vjen edhe frika e zëvendësimit të njerëzve.
Sipas një studimi të Chartered Institute for Personnel and Development (CIPD) në Mbretërinë e Bashkuar, një në gjashtë biznese (17%) planifikon gjatë vitit të ardhshëm të shkurtojë vende pune dhe t’i zëvendësojë ato me sisteme të Inteligjencës Artificiale (AI).
Analistët kanë identifikuar shtatë sektorë profesionalë që rrezikojnë më shumë nga “sistemet e zgjuara”:
1. Punonjësit administrativë dhe sekretarialë
Sektori më i ndjeshëm është ai i mbështetjes administrative: 62% e punëdhënësve deklaruan se planifikojnë shkurtime për sekretarë, punonjës zyrash dhe asistentë menaxhimi.
Automatizimi i proceseve si regjistrimi i të dhënave, arkivimi dhe menaxhimi i dokumenteve po e bën një pjesë të mirë të këtyre pozicioneve të panevojshme.
2. Menaxherët dhe drejtuesit administrativë
Rreth 28% e kompanive presin të reduktojnë numrin e menaxherëve të mesëm dhe të lartë, pasi mjetet e reja të AI-së mund të analizojnë të dhëna, të monitorojnë performancën dhe të marrin vendime të bazuara në algoritme.
3. Shitjet dhe shërbimi ndaj klientëve
27% e bizneseve planifikojnë të përdorin chatbotë dhe sisteme automatike komunikimi për të zëvendësuar një pjesë të stafit.
Përgjigjet e automatizuara, sugjerimet për produkte dhe analizat e preferencave të klientëve po e zvogëlojnë nevojën për personel njerëzor në shitje dhe shërbim.
4. Punëtorët e pakualifikuar dhe gjysmë të kualifikuar
Rreth 23% e punëdhënësve besojnë se makineritë do të zëvendësojnë një pjesë të madhe të punëtorëve manualë, veçanërisht në industri dhe depo, ku automatizimi mund të kryejë detyra të thjeshta dhe të përsëritura.
5. Punëtorët e kualifikuar teknikë
Edhe pse më e vështirë për t’u arritur nga teknologjia, 13% e kompanive po shqyrtojnë reduktime edhe në këtë kategori.
Robotika dhe sistemet e prodhimit të asistuar nga AI po fillojnë të depërtojnë edhe në profesione që deri tani kërkonin aftësi teknike të specializuara.
6. Mbikëqyrësit dhe supervizorët
Një në dhjetë punëdhënës (10%) vlerëson se mund të zëvendësojë rolet mbikëqyrëse me software monitorimi të performancës dhe mjete automatike kontrolli prodhimi. “Supervizorët dixhitalë” pritet të reduktojnë ndjeshëm kostot e kontrollit njerëzor.
7. Profesionistët dhe teknikët me arsim universitar
Edhe profesionistët dhe teknikët me diplomë rrezikojnë, pasi 17% e kompanive deklarojnë se mund t’i zëvendësojnë me mjete të analizës së të dhënave, programimit apo dizajnit të bazuara në AI.
A po formohet një “flluskë” në tregun e AI-së?
Megjithë optimizmin e madh për potencialin e Inteligjencës Artificiale, disa analistë ekonomikë paralajmërojnë për një “flluskë” të mundshme në tregun e AI-së.
Investitori i njohur Michael Burry, i cili u bë i famshëm nga filmi The Big Short, ka vënë bast 1.1 miliardë dollarë se kjo flluskë do të “shpërthejë”, duke vendosur kundër gjigantëve teknologjikë Palantir dhe Nvidia.
Edhe Bill Gates ka shprehur shqetësime, duke krahasuar ethet aktuale rreth AI-së me “flluskën e internetit” të fundviteve ’90, kur vlerësimet e fryra të kompanive teknologjike u shembën brenda pak muajsh. -
2026 është viti i DASHURISË/ Dasma shumë afër për këto shenja të horoskopit
Viti 2026 parashikohet të sjellë momente të lumtura dhe ndryshime të mëdha për disa shenja të horoskopit, veçanërisht në dashuri dhe marrëdhënie.
Ata që kanë kaluar periudha të vështira mund të presin lajme të mira, me dasma, fejesa ose zyrtarizime të bashkëjetesës.
Bricjapi është një nga shenjat me më shumë fat këtë vit. Jupiteri në Gaforre do të hapë mundësi të reja në fushën e dashurisë.
Disa Bricjapë mund të takojnë dashurinë e jetës së tyre dhe nuk përjashtohet mundësia e martesës.
Ujori nuk mbetet pas. Kur Jupiteri të kalojë në Luan dhe të ndikojë në shtëpinë e 7-të, kjo shenjë mund të presë një ngjarje të rëndësishme në marrëdhëniet e tyre. Nuk është e pamundur që të ketë martesë ose të zyrtarizohet një marrëdhënie e re, duke sjellë stabilitet dhe lumturi.
Demi është shenja e tretë që pritet të ketë ndryshime të mëdha në 2026.
Me kalimin e Jupiterit në Luan dhe ndikimin në shtëpinë e 4-t, përfaqësuesit e Demit do të ndihen të gatshëm për seriozitet dhe për të hapur një familje. Ky vit është i favorshëm për zyrtarizimin e marrëdhënieve dhe vendosjen e themeleve për të ardhmen.
Pra, për Bricjapin, Ujorin dhe Demin, 2026 duket se është viti i dashurisë dhe angazhimeve serioze.
Ata që kanë marrëdhënie të rëndësishme mund të shohin një hap të madh përpara, ndërsa të tjerët mund të takojnë personin që do t’i ndryshojë jetën. -
Rama për rritjen e pensioneve: Para janarit, do shpërndahen bonuset. Pjesa e ‘luanit’ në buxhet pensionistët…
Kryetari i Partisë Socialiste, Edi Rama është takuar këtë pasdite me banorët e Tiranës në Njësinë 5.
Në nisje të fjalës së tij ai është shprehur se besimi që qytetarët i kanë dhënë PS në 11 maj, i shtynë më shumë që të dëgjojnë dhe adresuar shqetësimit e të gjithë qytetarëve.
“Menjëherë pa zgjedhjeve, impakti që ka pasur te ne besimi që morëm nga qytetarët brenda dhe jashtë vendit, ka krijuar një ndjenjë shumë më të fortë detyrimi për të qenë sa më pranë njerëzve dhe për të bërë gjithçka që është e mundur që shqetësimet të dëgjohen si duhet dhe për t’i adresuar sa të jetë e mundur”, tha Rama.
Duke u ndalur te buxheti i 2026, Rama se tha se pjesa e ‘luanit’ në këtë buxhet për katër vitet e ardhshme, u adresohet pikërisht pensionistëve.
“Pjesa e luanit në buxhetin e katër viteve të ardhshme, është pjesa që më në fund i takon pensionistëve. Kam dëgjuar dhe një muhabet tjetër që nuk do japim bonusin e këtij viti… të gjithë pensionistët do të marrin bonusin që kanë marrë dhe u është premtuar. Do ta marrin përsëri para vitit të ri, sipas atyre dy fashave që i kemi sqaruar”, u shpreh kreu i ekzekutivit.
-
“Paga minimale 500 euro!”/Rama: Sigurimet për 9 muaj i paguan qeveria. Punonjësit e policisë, shëndetësisë dhe mësuesit përfitojnë..
Kryeministri Edi Rama zhvilloi sot një dëgjesë me banorët e Tiranës, ku njoftoi rritjen e pagës minimale në 500 euro dhe se për nëntë muajt e parë sigurimet shoqërore dhe shëndetësore të punonjësve që marrin pagë nën këtë nivel do të përballohen nga qeveria.
Gjatë takimit me qytetarët, Rama deklaroi se rritja e pagës minimale do të shoqërohet me rritje të përgjithshme të pagave si në sektorin publik, ashtu edhe në atë privat.
Ai theksoi se punonjësit e shëndetësisë, mësuesit dhe efektivët e policisë, ku këta të fundit do të përfitojnë gjithashtu nga shtesa për vjetërsinë në punë, çka do të sjellë rreth 50 euro më shumë për gradat e ulëta.
“Do të përfitojnë punonjësit shëndetësisë, mësuesit, të policisë, që për hirë të së vërtetës kanë pasur disa problematika që më në fund marrin zgjidhje sepse do përfitojnë edhe vjetërsinë në punë. Vetëm kjo përkthehet në 50 euro plus për gradat e ulëta”, tha Rama.
Edi Rama: Paga minimale do jetë 500 euro. 9 muajt e parë sigurimet shoqërore dhe shëndetësore të atyre që e kanë pagën nën 500 euro do paguhen nga qeveria. Përtej pagës minimale do të rriten edhe pagat e tjera, do vazhdojnë të rriten pagat për të gjithë punonjësit e shtetit.
Do të përfitojnë punonjësit shëndetësisë, mësuesit, të policisë, që për hirë të së vërtetës kanë pasur disa problematika që më në fund marrin zgjidhje sepse do përfitojnë edhe vjetërsinë në punë. Vetëm kjo përkthehet në 50 euro plus për gradat e ulëta.
-
E FRIKSHME, përgatituni!/ Një stuhi e fuqishme do të godasë Tokën, mund të..
Një stuhi e fuqishme diellore mund të sjellë një shfaqje verbuese të Dritave Veriore më vonë, si dhe potencialisht të prishë GPS-in, sistemet e komunikimit dhe rrjetet elektrike.
Sipas mediave të huaja, Shërbimi Gjeologjik Britanik (BGS) e përmirësoi parashikimin e tij në maksimum dhe tha se stuhia që po vazhdon kishte ndërhyrë tashmë në komunikimet dhe navigimin satelitor.
Thuhet se një “stuhi kanibaliste” e dytë gjeomagnetike, që ushqehet nga e para, mund të arrijë në Mbretërinë e Bashkuar deri në fillim të pasdites dhe të jetë një nga më të mëdhatë në 20 vjet.
E huazuan me bujë në verë, Bayerni merr vendimin për fatin e Nico JacksonNjë stuhi diellore është një shpërthim grimcash, energjie, fushash magnetike dhe materialesh të hedhura në hapësirë nga dielli dhe mund të ‘shqetësojë’ fushën magnetike të Tokës, sipas NASA-s.
Ngjarja e fundit ka krijuar tashmë fushën më të madhe gjeoelektrike në nivelin e tokës që nga fillimi i regjistrimeve të BGS.
Stuhia çoi në pamje mbresëlënëse të aurorës boreale në disa pjesë të Mbretërisë së Bashkuar gjatë natës dhe e njëjta gjë mund të ndodhë më vonë, duke supozuar qiell të kthjellët dhe të errët.
Njerëzit në Skoci, Anglinë veriore dhe Irlandën e Veriut kanë shansin më të mirë për të parë dritat, sipas BGS. -
Ndërtimi 35-katësh në Shkodër, vijojnë ende përplasjet e Myftinisë me policinë bashkiake
Thënia e Pejgamberit, e vendosur në tabelën që u hoq disa ditë më parë në qendër të Shkodrës nga policia bashkiake, u vendos sërish nga Myftinia e qytetit në një tabelë edhe më të madhe, brenda rrethimit të xhamisë “Ebu Bekr” në qendër të qytetit. Por edhe aty tabela u hoq, kësaj here nga efektivë të Policisë së Shtetit.
Në lidhje me këtë veprim, që është drejtuar nga vetë drejtori i Policisë së Qarkut Shkodër, ka reaguar edhe Myftiu i Shkodrës.
Myftinia e Shkodrës, së bashku me përfaqësues të Kishës Ortodokse në këtë qytet, prej disa muajsh kanë shprehur pakënaqësi dhe kundërshti ndaj pushtetit lokal dhe atij qendror, në lidhje me një ndërtim shumëkatësh në një tokë që pretendohet se është në pronësi të Myftinisë dhe Kishës Ortodokse.
-
Gara për drejtor policie ne disa qarqe, publikohen emrat e kandidatëve
Gara për drejtues të rinj në disa struktura të rëndësishme të Policisë së Shtetit ka hyrë me disa ndryshime, ndërsa Euronews Albania ka zbardhur emrat e kandidatëve që kanë aplikuar për pozicionet vakante.
Sipas burimeve, për postet e drejtorëve të policisë në qarqet Elbasan, Shkodër dhe Korçë kanë kandiduar:
Drejtues i Parë Ardian Çipa
Drejtues i Parë Alban Cela
Drejtues Ulian Shpataraku
Drejtues Islor Islami
Drejtues Loard Sallaku
Drejtues Dritan Lena
Ndërkohë, për pozicionin e Drejtorit të Departamentit të Kufirit dhe Migracionit, kandidojnë:
Drejtues i Lartë Pëllumb Seferi
Drejtues i Parë Saimir Muçaj
Drejtues i Parë Ferdinand Mara
