Përplasja e dy helikopterëve zjarrfikës në Greqi/ Raportohet për dy viktima, piloti britanik mbijeton

Dy viktima nga përplasja e dy helikopterëve zjarrfikës në Greqi, piloti britanik mbijeton Dy anëtarë të ekuipazhit humbën jetën pasi dy helikopterë zjarrfikës u përplasën në ajër gjatë operacioneve për shuarjen e zjarreve në Greqi. Viktimat janë një pilot danez dhe një oficer ndërlidhës i Shërbimit Grek të Zjarrfikësve. Ndërkohë, një pilot britanik dhe një koordinator grek, që ndodheshin në helikopterin tjetër, i mbijetuan aksidentit me lëndime të lehta. Përplasja ndodhi rreth 65 kilometra në perëndim të Athinës, ndërsa dy helikopterët Bell, të marrë me qira nga kompania australiane McDermott Aviation, po merrnin pjesë në operacionet për shuarjen e një zjarri të madh në kufirin Atikë–Beoti. Kryeministri grek, Kyriakos Mitsotakis, shprehu ngushëllimet e tij për viktimat, duke e cilësuar humbjen e pilotit danez dhe oficerit...