“Largohuni para se Trump të ndërrojë mendje”/ SHBA paralajmeron qytetarët e saj në Lindjen e Mesme

Departamenti Amerikan i Shtetit u bëri thirrje qytetarëve amerikanë në Lindjen e Mesme të merrnin në konsideratë largimin nga rajoni ose të ishin të përgatitur për evakuim me njoftim të shkurtër, vetëm 24 orë përpara se Presidenti Donald Trump të njoftonte anulimin e sulmeve të planifikuara ndaj Iranit. Paralajmërimi u shpërnda përmes ambasadave amerikane në Emiratet e Bashkuara Arabe, Bahrein, Irak, Izrael, Jordani, Kuvajt, Liban, Oman, Katar dhe Arabinë Saudite. Autoritetet amerikane theksuan se ekzistonte një rrezik i shtuar për sigurinë, ndërprerje të fluturimeve dhe mbyllje të mundshme të hapësirës ajrore, ndërsa tensionet me Iranin vijonin të rriteshin. Ndryshe nga njoftimet e mëparshme, këtë herë qytetarëve amerikanë iu kërkua të përgatiteshin për t’u larguar nga rajoni dhe të rishqyrtonin udhëtimet e planifikuara, duke reflektuar shqetësimin...