Kremlini hap dyert për Zelenskyn: Mund të vijë në Moskë po të jetë serioz

Gatishmëria e Moskës për të pritur presidentin ukrainas Vladimir Zelensky, si dhe detajet mbi vizitën e pritshme të emisarëve amerikanë Steve Witkoff dhe Jared Kushner në Rusi, kanë qenë temat qendrore të deklaratës së dhënë këtë të martë nga zëdhënësi i Kremlinit, Dmitry Peskov. Agjencia e lajmeve TASS ka përmbledhur qëndrimet kryesore të përfaqësuesit të Presidencës ruse, të cilat qartësojnë lëvizjet e fundit diplomatike të Moskës. Lidhur me mundësinë e një zgjidhjeje për konfliktin në Ukrainë, Peskov konfirmoi se aktualisht nuk ekziston asnjë kanal zyrtar komunikimi mes Moskës dhe Kievit. Megjithatë, ai përcolli një mesazh të drejtpërdrejtë nga Presidenti Vladimir Putin, duke thënë se nëse Zelensky është gati të flasë me përgjegjësi dhe seriozitet, ai është gjithmonë i mirëpritur të udhëtojë drejt kryeqytetit rus. Sipas...