Kosova dëbon predikuesin islamik nga Bosnja, do mbante fjalim edhe në Prizren! Ka 300 mijë ndjekës në rrjetet sociale

Predikuesi islamik nga Bosnje e Hercegovina, Elvedin Peziq, është dëbuar nga Kosova më 14 gusht, pasi një ditë më parë ishte shoqëruar nga Policia para promovimit të një libri në Vitomiricë të Pejës, konfirmoi për Radion Evropa e Lirë një burim i informuar për organizimin dhe qëndrimin e tij në Kosovë. Pas Vitomiricës, Peziq ishte planifikuar të mbante ligjërata edhe në rajonin e komunës së Istogut dhe në Prizren. I njëjti burim tha se Peziq është përcjellë nga Kosova përmes pikëkalimit kufitar me Malin e Zi. Radio Evropa e Lirë ka tentuar disa herë të marrë informacion nga Policia e Kosovës për arsyen e dëbimit të Peziqit nga Kosova, por pa sukses. Sipas ligjeve në Kosovë, një shtetas i huaj mund të dëbohet nga vendi...