Konflikt fizik mes deputetëve të Vetëvendosjes, PDK-së dhe AAK-së

Një incident ka shkaktuar tensione në ambientet e Kuvendit të Kosovës, ku deputetë të Vetëvendosjes, PDK-së dhe AAK-së janë përfshirë në një përplasje verbale dhe fizike. Ngjarja ka ndodhur teksa deputetja e Vetëvendosjes, Arbërie Nagavci, po deklarohej për mediat. Sipas raportimeve, gjatë kësaj kohe deputetë të PDK-së i kanë hedhur ujë deputetes, duke sjellë reagime dhe tensione në ambientet e Kuvendit. Situata është përshkallëzuar më tej me një përplasje fizike mes Nagavcit dhe deputetes së AAK-së, Albana Bytyqi. Në incident është përfshirë edhe deputeti i Vetëvendosjes, Ardian Gola, i cili i ka kërkuar Bytyqit të qetësohej. Ngjarja ka ndodhur në një klimë të tensionuar brenda Kuvendit, ndërsa përplasja mes deputetëve vijon të jetë pjesë e zhvillimeve politike në institucionin ligjvënës të Kosovës.