Franca mbyll reaktorët bërthamorë teksa vala e të nxehtit intensifikohet

Grupi shtetëror francez i energjisë EDF mbylli përkohësisht tre reaktorë bërthamorë të dielën, ndërsa paralajmëroi se shtatë të tjerë mund të kenë nevojë të rregullojnë prodhimin e tyre të energjisë ndërsa vala e të nxehtit që përfshin vendin vazhdon. Sipas kompanisë, masa është një kërkesë për mbrojtjen e mjedisit për të shmangur shkarkimin e ujit tepër të nxehtë në lumenj që tashmë po ngrohen për shkak të valës së të nxehtit. Centralet bërthamore përdorin ujin e lumenjve për të ftohur reaktorët e tyre përpara se ta lëshojnë ujin e ngrohur përsëri në lumenj. “Nuk ka rrezik për sigurinë bërthamore. Reaktorët janë të aftë të operojnë në kushte të temperaturës së lartë. Këto kufizime kanë për qëllim mbrojtjen e florës dhe faunës ujore”, tha një zëdhënës...