Anija cisternë goditet nga një raketë e panjohur në Oman

Një anije cisternë u godit nga një raketë e panjohur në juglindje të Omanit të enjten ditën e sotme, duke pësuar dëmtime në urën e komandimit, njoftoi Qendra e Operacioneve Tregtare Detare të Mbretërisë së Bashkuar (UKMTO). Sipas UKMTO-së, incidenti ndodhi rreth 7.5 milje detare në juglindje të Dahit, në Oman. “Në anën e djathtë të një anijeje mallrash ka goditur një predhë e panjohur, duke shkaktuar dëme në urën e komandimit”, thuhet në deklaratën e autoriteteve britanike. Deri më tani, nuk ka raportime për viktima apo për ndonjë ndikim mjedisor si pasojë e incidentit. UKMTO bëri të ditur se autoritetet përkatëse kanë nisur hetimet për të përcaktuar rrethanat e ngjarjes, ndërsa anijeve që lundrojnë në zonë u është kërkuar të tregojnë kujdes të shtuar...