Bavarezët duan ta shesin, lojtari insiston: Nuk largohem

Kingsley Coman nuk ka ndërmend të largohet nga Bayern Munich, pavarësisht se klubi gjerman e kishte futur atë në listën e shitjeve këtë verë. Drejtori sportiv i Bayern-it, Max Eberl, kishte planifikuar që shitja e Coman të sillte rreth 35 milionë euro në arkat e klubit. Madje, së fundmi qarkulluan spekulime për një transferim të mundshëm të francezit në Arabinë Saudite, por asgjë nuk është konkretizuar. Vetë Coman ka qenë i qartë në qëndrimin e tij. Në një deklaratë për “Sport Bild” përpara nisjes së Botërorit të Klubeve, ai tha: “Dua të qëndroj te Bayern”. Qëndrimi i tij është forcuar...