Avokati nuk lejohet të takojë Veliajn në burgun e Fierit

Një tjetër situatë absurde është shënuar ditën e sotme në burgun e Fierit, aty ku prej tre ditësh është transferuar kryebashkiaku i Tiranës, Erion Veliaj. Avokati Plarent Ndreca nuk është lejuar të takojë Veliajn, edhe pse ligji shqiptar parashikon dhe garanton shprehimisht të drejtën e avokatit për t’u takuar me klientin e tij në çdo kohë. Për këtë arsye, mësohet se Ndreca është duke kryer në këto momente një kallëzim penal në Prokurorinë e Fierit për shpërdorim detyre ndaj të gjithë punonjësve përgjegjës për pengimin e ushtrimit të detyrës së tij si avokat dhe ndalimin për t’u takuar me Veliajn. Gjithashtu, ai i ka drejtuar një letër drejtuesit të institucionit: Drejtor, Është hera e dytë që përsëritet e njëjta situatë. Edhe sot po pengohem të...