Ancelotti largohet mes lotëve: Është normale të qash, Real Madridi ishte shtëpia dhe familja ime për 6 vite

Carlo Ancelotti nuk i përmbajti dot emocionet dhe shpërtheu në lot në fund të ndeshjes së fundit në krye të Real Madridit (fitoren 2-0 ndaj Real Sociedad), teksa përshëndeti publikisht tifozët në “Santiago Bernabéu”. Trajneri italian do të nisë një aventurë të re në stolin e Brazilit, me objektivin për të çuar Seleçãon në Kupën e Botës 2026. Ai largohet nga klubi spanjoll me një trashëgimi të jashtëzakonshme: 15 trofe në 6 sezone, teksa një pjesë e zemrës së tij mbetet gjithmonë “blanca”. Spektakli i lamtumirës, me video emocionuese dhe përqafime nga skuadra, që e hodhi në ajër për nderim,...