“Shqipëria kërkon revolucion”/ Protestuesit nisin marshimin drejt Kryeministrisë: Rama jep dorëheqjen!

Ka nisur marshimi i protestuesve nga Sheshi “Skënderbej” drejt Kryeministrisë, në protestën e 67-të kundër qeverisë së kryeministrit Edi Rama. Me thirrjet “Rama jep dorëheqjen” dhe “Shqipëria kërkon revolucion”, qytetarët janë nisur drejt godinës së Kryeministrisë, ku pritet të vijojë tubimi i sotëm. Protestuesit kanë deklaruar se do të vijojnë qëndrimin e tyre deri në përmbushjen e kërkesave politike, ndërsa gjatë ditëve të fundit kanë zhvilluar protesta të përditshme në Sheshin “Skënderbej”.