VIDEO/ Nën masa të rrepta sigurie, Ilir Meta mbërrin në Skrapar për ceremoninë e përcjelljes së të atit drejt banesës së fundit

Ilir Meta ka mbërritur në fshatin Çepan të Skraparit, aty ku edhe do të mbahet ceremonia e varrimit të babait të tij, Rexhep Meta, që ndërroi jetë ditën e djeshme. Meta doli nga qelia në burgun 313 mëngjesin e sotëm, ndërsa transporti i tij është kryer nën masa sigurie. Drejtoria e Përgjithshme e Burgjeve, në bashkëpunim me institucionet përgjegjëse, ka organizuar shoqërimin e Metës nga paraburgimi për të marrë pjesë në ceremoninë mortore të të atit. Ceremonia mortore pritet të zhvillohet në orën 12:00. Meta ndodhet në paraburgim që prej tetorit 2024.