“Më akuzojnë se kam dhënë toka, të sjellin prova”/ Rama për median italiane

Nga përpjekja e Shqipërisë për t’u anëtarësuar në Bashkimin Evropian te marrëveshja e migracionit me Italinë dhe polemikat e brendshme mbi një projekt të sfiduar nga lëvizja “Revolucioni Flamingo”, kryeministri Edi Rama trajtoi temat kryesore politike që përfshijnë Tiranën dhe marrëdhënien e saj me Evropën në një intervistë ekskluzive me Anna La Rosa për agjencinë e lajmeve Italpress. Rama u ndal te protestat e “Revolucionit Flamingo” kundër një projekti turistik në jug të Shqipërisë. Ai i hodhi poshtë akuzat dhe tha se ato po dëmtonin imazhin e vendit. “Për vite me radhë jam akuzuar për të gjitha llojet e gjërave. Nuk e di nëse ka mbetur ende diçka që nuk më është atribuar mua”, tha ai, duke shtuar se kjo “më shkakton dhimbje të thellë. Sepse në atë pikë nuk bëhet më vetëm për...