‘Di të poshtërojë e dhunojë, por jo të reflektojë’/ Lubonja: Rama të kishte ikur me kohë dhe të ishte para SPAK

Analisti Fatos Lubonja dyshon se kryeministri Rama mund të reflektojë edhe pas dy muajsh protesta masive që kërkojnë largimin e tij nga qeveria. I ftuar në studion e News24, Lubonja deklaroi se Rama do të poshtërojë dhe dhunojë, por jo të reflektojë. Sipas tij, në një vend normal kryeministri do të kishte dhënë dorëheqjen dhe do ishte para drejtësisë për të dhënë sqarime për të gjitha aferat korruptive. “Të presësh që Rama të reflektoje është sikur flamingo të bëjë vezë sorrash, është jashtë mënyrës së tij të menduarit dhe qeverisurit. Ajo që ai di të bëjë është të konfliktojë, të poshtërojë, të ushtrojë dhunë verbale dhe kur vjen puna edhe dhunë fizike dhe jo të reflektojë. Reflektim ka pasur kohë të bëjë prej kohësh. Në...